مخنووووووق جداً

من طرف روعة الإحساس الثلاثاء مارس 23, 2010 9:24 pm

السلام عليكم

بجد انا من كتر ما دماغى متشوشه مابقتش عارف اعمل حاجه لا أزاكر ولا أنام ولا آكل ولا أى حاجه

هو موضوع حب وعاطفه ....

ندخل فى الموضوع :

أنا بحب واحده بقالى سنتين تقريباً ومكلم أهلى وهى كمان عرفتنى على بعض أهلها والموضوع جد ومافيش بينا غير الصراحه والصدق حتى لو كانت الصراحه دى ممكن تزعلنا من بعض ضحيت عشانها ... وهى ياما سامحتنى وعديتلى غلطات كتير ليها واحده صاحبتها لسه متعرفه عليها ... فالبنت صاحبتها دى انا قولتلها إبعدى عنها عشان دى مابيهمهاش حد وبتعمل اللى نفسها فيه .... وطبعاً ماحصلش ... النهارده متصله بيا وعمالين نهزر وعادى خالص فقالتلى انا فيه حاجه عاوزه اقولك عليها بس مش قايله عشان مش تزعل قولتلها ...لأ إنتى لو ماقولتيش هازعل لأنى عرفت انك مخبيه عنى حاجه قالتلى فى واحد بيكلم أسمآء من الاسماعيليه ... ( أسماء دى اللى هى صاحبتها ) ... من فتره وهى ما بتعرفش تتكلم وكده فبتقولى خدى ردى عليه .... وبالتالى ان البنت اللى بحبها دى بتكلم الشخص ده وبتقولى انا كنت بكلمه لانى فرحانه ان اسماء اخيراً لقيت حد يحبها وهو بيقول انه هاينزل فاقوس الاسبوع الجاى وبتقول ... بس امبارح لخبط ف الكلام خااااالص .. قولتلها ازاى ...؟ قالت بيقول انه اتشد ليا وانه حب اسماء عشان طيبتها لكن انتى فيكى كل حاجه حلوه ورقيقه ... فقالتله انا بحب واحد من سنتين وماقدرش استغنى عنه فقاللها بس اسم كريم لايق عليكى اكتر من احمد وبعد كده قالتله انها عاوزه تنام ولازم تقفل السكه ... معنى كده انها كلمته من بيتهم ومن على تيليفونها .... انا بأه قولتلها انتى ازاى ىتسمحى لواحد زى ده يتكلم معاكى وما قفلتيش الموبايل ليه وهو بيتكلم ... وايه اللى خلاه يتصل عليكى انتى وشدينا سوا وهى بصراحه فضلت تتحايل عليا كتير انى اسامحها بس انا شايف ان دى مافيهاش تسامح حتى فى واحده صاحبتها اتصلت وزعقتلها وقولت ياستى انا خاين وابن كذا ولو سمحتم ماحدش يتصل تانى ... مش عارف اعمل ايه ..؟ وع العلم إنى بحب البنت دى وهى جت زارت اهلى اكتر من مره ... من ضمنهم مره كنت تعبان فيها وفضلت جنبى اكتر من 4 او 5 ساعات ... ده غير إنى بثق فيها ثقه عميآء وعارف انها عملت كده بحسن نيه بس طيبة قلبها دلوقتى ماتنفعش لأنها بتتفهم غلط فى كل مره وانا منبه عليها ما تتكلمش مع حد ما تعرفوش وما تردش على ارقام غريبه .... اعمل ايه بأه الله اعلم ... والشيطان بسم الله ماشاء الله عامل شغله معايه وعمال يجيب ويودى ... انا والله بحبها ودلوقتى بنبى الشقه اللى المفروض هاتجوز فيها ......... وخايف عليها جداً حتى انا اتصلت عليها من تيليفون اختى من شويه لقيتها عماله تعيط ويدوبك قادره ترده حد يشوفلى حل بالله عليكم لان بجد والله تعبت

من طرف احمد العمده الأربعاء مارس 24, 2010 12:39 am

حب المراهقه وهم يعيشه المراهق
في فتره عمريه خطيره
وسلبياته وايجابيته يحددها المراهق

في تصرفاته مع هذا الحب

وبعدين

كل شيء قسمة ونصيب

واللي مكتوب ع الجيبين لازم تشوفوا العين
تحياتي

مخنووووووق جداً

مخنووووووق جداً

رد: مخنووووووق جداً